വെളിപ്പെടുത്തലുകള്‍ ...

ലോകത്തിന്റെ ഒരുകോണില്‍

ഒരുതുണ്ട് വെളിച്ചത്തിനും അതിലേറെ

ഇരുളിനും മധ്യേ ഒരു പെണ്‍ ഹൃദയം..

കാരണമില്ലാതെ കരച്ചില്‍ വരുമ്പോള്‍

വെറുതേലോകത്തിന്റെ മറ്റേഅറ്റം വരെ

നടന്ന് പോകണമെന്ന് തോന്നുമ്പോള്‍

ആരും കടന്ന് വരാത്ത സ്വപ്നങ്ങളില്‍

സ്വയം മറക്കണ്ണമെന്ന് തോന്നുമ്പോള്‍

സത്യം ,എനിക്ക് എന്നെ തിരിച്ച് കിട്ടുമെന്ന്

ഞാനറിയുന്നു....

എനിയ്ക്കറിയാം,ഞാന്‍ എത്രമാത്രം

പരിമിതമായ ഒരു വൃത്തത്തിലാണെന്ന്

സദാതിളച്ച് മറിയുന്ന ഒരു തലച്ചോറ്

എന്നെകുറ്റപ്പെടുത്തുന്നു.....

എല്ലാബന്ധങ്ങളും ഭാരമാകുന്നതും

യുക്തിയും സങ്കല്പവും യാഥാര്‍ത്ഥ്യവും

അനുഭവങ്ങളും

ചുഴലിപോലെ എന്നെ കറക്കുന്നതും...

നിങ്ങളെനിക്ക് സ്വപ്നങ്ങള്‍മാത്രം തരിക

എന്റെ സ്നേഹത്തിന്‍ കണ്ണും കാതുമില്ല

ഹൃദയം മാത്രമേയുള്ളൂ..

ഞാനത് അലിവിന്റെ നിറവും

കനിവിന്റെ മധുവുംകൊണ്ട് നിറച്ചിരിക്കുന്നു....

മറ്റൊന്നിനും ഇനി ഇടയില്ലാത്തവിധം......